Земјотрес со интензитет од 6,6 степени според Рихтер, ја потресе северозападната кинеска провинција Гансу. Епицентарот на земјотресот бил во близина на градот Динси, кој е главно планинска област со население од 26 милиони. Како што соопштија локалните власти, билансот од земјотресот, засега, е 56 загинати и над 400 повредени. Разурнати се голем број на домови и објекти, а сериозно се погодени селата Мичуан и Пума. Во некои делови нема струја и вода. Во спасувачките акции учествуваат и војската и полицијата. Геофизичкиот институт на САД претходно соопшти дека земјотресот бил со интензитет од 5,9 степени според Рихтер, на длабочина од 10 километри.