Околу 50 000 луѓе денеска протестираа во центарот на полската престолнина против новата влада на конзервативците, кои ја зедоа власта пред еден месец.

Демонстрантите испишале слогани како „Слобода, Еднаквост, Демократија“ и се изјасниле дека нивните основни права се загрозени.

Тие повикале исто и за оставката на претседателот Анджеј Дуда, кого го обвинуваат дека го прекршил Уставот.

Владејачката партија „Право и правда“ (PiS) победи на парламентарните избори во октомври и веднаш ги смени началниците на службите за безбедност. Таа планира и реструктуирање на државните медиуми, непосредно откако во Полска избувна скандалот по одлука на владејачките партии од „Право и правда“ да го блокираат назначувањето на нови судии од Уставниот суд.