Според Дмитриј Кулеба, 16-тиот ден од војната во Украина влегува без напредок во преговорите меѓу руската и украинската страна. Иако минатиот ден во Украина беа отворени седум хуманитарни коридори, никој не успеа да се евакуира од најзагрозениот град - Мариупол. Извештаите велат дека луѓето во овој пристанишен град имаат многу малку или воопшто немаат храна. Руската страна се обиде да го демантира бомбардирањето на детската болница во Мариупол, додека САД најавија помош од 13,6 милијарди долари за Украина.

Нападнати два нови града

Во последниот час се забележани експлозии во градовите на спротивните страни на земјата, јавува Би-Би-Си.

Украинските ТВ станици известуваат за експлозиите во Луцк на северозапад, како и во Днепар - град во внатрешноста лоциран на реката Днепар и главното упориште во централно-источна Украина.

Ниту еден од овие градови досега не бил директно гранатиран.

Би-би-си Украина јавува дека нападот во Луцк бил насочен кон аеродромот.

Имаше информации и дека рускиот удар ја погодил фабриката, единствената во која се поправаат одредени мотори на борбени авиони.

Би-Би-Си Украина вели дека Луцк е на листата на клучни стратешки места кои Русија сака да ги заземе.

 Russia just attacked #Kharkiv Institute of Physics and Technology
Experimental nuclear reactor is located inside. The shelling caused a fire in a neighbouring hostel; the fight continues.#StopRussia #StopRussia #ClosetheSkyoverUkraine pic.twitter.com/H88CYHGl9C

— Verkhovna Rada of Ukraine (@ua_parliament) March 10, 2022

САД и помагаат на Украина со 13,6 милијарди долари

Се очекува американските пратеници да донесат голем закон за трошење оваа недела, кој предвидува еднократна инфузија од 13,6 милијарди долари воена и хуманитарна помош за Украина во борбата против руската инвазија, пишува Си-Ен-Ен.

Украински парламент: Русите го нападнаа институтот со експериментален нуклеарен реактор

Украинскиот парламент соопшти дека руските сили го нападнале институтот во Харков, каде се наоѓа експерименталниот нуклеарен реактор.

„Русија штотуку го нападна Харковскиот институт за физика и технологија, во кој се наоѓа експериментален нуклеарен реактор. Гранатирањето предизвика пожар во соседниот хостел; борбата продолжува“, напиша украинскиот парламент.

Russian strikes also hit Dnipro in central Ukraine pic.twitter.com/6Gn7WymkoJ

— Michael A. Horowitz (@michaelh992) March 11, 2022

80.000 луѓе се евакуирани од Суми и Киев

Повеќе од 80.000 луѓе се евакуирани од областа околу главниот град на Украина Киев и градот Суми, на североисток, во последните два дена, соопшти украинската влада.

Вицепремиерот на Украина Ирина Верешчук во видео објавено во апликацијата за размена на пораки Телеграм изјави дека повеќе од 60.000 луѓе се евакуирани од Суми и околните места. И околу 20.000 луѓе беа евакуирани од областа северозападно од Киев, додека уште 3.000 беа однесени „во агонија“ од Изум, град во источна Украина.

Според Обединетите нации, за две недели откако Русија ја нападна Украина, околу 2,3 милиони луѓе ја напуштиле земјата.