Светот денес се збогува со папата Франциск. По тридневно оддавање почит, светските лидери и илјадници верници ќе се соберат во 10:00 часот на плоштадот „Свети Петар“ за да се збогуваат со папата Франциск.

Церемонијата започнува во 10:00 часот и се очекува да трае околу еден и пол час. По завршувањето на мисата, телото на Франциск ќе биде пренесено во базиликата Санта Марија Маџоре во Рим за погреб.

Американскиот претседател Доналд Трамп, генералниот секретар на ОН Антонио Гутереш, францускиот претседател Емануел Макрон, германскиот претседател Франк-Валтер Штајнмаер и канцеларот Олаф Шолц, италијанската премиерка Џорџа Мелони и претседателот Серџо Матарела, британскиот премиер Кир Стармер, принцот Вилијам, шпанскиот крал Фелипе VI и кралицата Летиција, како и претседателката на Европската комисија Урсула фон дер Лајен, сите го потврдија своето присуство на погребот.

Други лидери и членови на кралските семејства кои ќе присуствуваат на погребот на папата Франциск се бразилскиот претседател Луиз Инасио Лула да Силва, аргентинскиот претседател Хавиер Херардо Милеи, еквадорскиот претседател Даниел Нобоа, филипинскиот претседател Фердинанд Маркос помладиот, полскиот претседател Анджеј Дуда, ирскиот премиер Михаел Мартин, хрватскиот претседател Зоран Милановиќ, молдавската претседателка Маја Санду, белгискиот крал Филип и кралицата Матилда, норвешкиот престолонаследник Хаакон и престолонаследничката принцеза Мете-Мар.

Во текот на овие три дена, повеќе од 250.000 луѓе му оддадоа почит на покојниот папа, објави Ватикан во соопштението во петокот.