„Кралевите“ на големо изненадување пред еден час закажаа прес-конференција на Зинедин Зидан и во прв момент никој не знаеше какви информации ќе бидат соопштени.

Но веднаш почнаа да кружат гласини дека Французинот поднел оставка и токму тоа го пренесе самиот Зинедин Зидан.

„Донесов одлука да не продолжам на тренерското столче на Реал Мадирд, ова е чуден момент, но потребна е промена за овој тим да продолжи да победува. Потребeн е нов правец, нова методологија и затоа се решив на еден ваков чекор“, рече стратегот.

„Ја донесов оваа одлука бидејќи многу го сакам клубот. Мислам дека во овој момент за сите инволвирани е најдобро да има промена и јас да не бидам на кормилото следната сезона“.