По направениот ревизорски извештај за Скопје 2014, градоначалникот на Центар, Андреј Жерновски, вчера повторно го повика Јавното обвинителство да поведе псотапка за, според него, наместените тендери и незаконски јавни набавки. При ревизијата, според опозиционерите, утврдено е дека се направени буџетски штети од 8 милиони евра, и тоа само за 11 споменици. Жерновски го повика премиерот Никола Груевски да одговори дали осум милиони евра се малку пари. Тој повторно упати и прашање до скулпторката Валентина Стевановска, ако таа не ги земала парите за изработка на Воинот и Воинот на коњ, да одговори тогаш кој ги зел. Првиот човек на Центар обелодени дека Стевановска зела хонорар поголем од 2 милиона евра, наспроти нејзиното тврдење дека Воинот на коњ го изработила бесплатно. За ВМРО-ДПМНЕ бројките се само шпекулација. „Ова значи дека Жерновски има намера и понатака да продолжи да шпекулира со паушални бројки од 500 милиони,200 милиони и 8 милиони околу проектот Скопје 2014“, се вели во соопштените на ВМРО-ДПМНЕ. Тие стојат на ставот дека според нив во сите постапки испочитуван е законот за Јавни набавки и сите материјални закони. Доколку во тоа не верува градоначалникот на Центар повторно го повикуваат да поднесе кривични пријави.