Земјоделците имаат можност да ги нудат своите производи на електронската агро берза преку испраќање СМС пораки од мобилните телефони. Станува збор за пилот проект што треба да почне до крајот на овој месец. Пилот проектот, според најавите, ќе опфати сто фармери и 10 откупувачи. Новиот владин проект треба да овозможи поголема конкурентност и повисоки цени на пазарот во тргувањето со земјоделски култури. Оној што ќе ја понуди највисоката цена ќе добие и порака како да склучи договор. На тој начин откупувачите побрзо ќе доаѓаат до информации по која цена фармерите ги нудат своите производи, а фармерите, пак, без разлика во кој дел државата од се наоѓаат, побрзо ќе добиваат повратни податоци за тоа кои се откупувачите и кој нуди највисока цена за нивните производи, објаснуваат во ресорното Министерство.