Сите земјоделски стопанства до 30 јуни, можат да поднесат барање за финансиска поддршка.

Од Агенцијата за рурален развој повикуваат да се искористат средствата кои се нудат, а барања може да се поднесуваат и електронски.

„Во овој период се поднесуваат барања за растително производство и тоа за: површини со полјоделски и градинарски култури, одржување на лозови и овошни насади, како и производство на сертифициран семенски и саден материјал. За сточарското производство се поднесуваат барања за одгледување на: говеда, овци, кози, свињи, пчели, живина“ - велат од Агенцијата.

Корисници на финансиската поддршка се земјоделски стопанства кои се впишани во Единствениот регистар на земјоделски стопанства и ги исполуваат сите услови кои се пропишани во Законот за земјоделство и рурален развој, Програмата за финансиска поддршка во земјоделството за 2016 година и Уредбата за директни плаќања за 2016 година.

За детали околу висината на помошта, критериумите, заинтересираните можат да се информираат на веб страната на Агенцијата.