Кривична пријава и затвор од три до пет години ќе добие секој што ќе се осмели да украде дрва за огрев. Лицето пријавата ќе може да ја добие од шумката полиција, но и од припадници на Министерството за внатрешни работи, пишува Дневник. Ова се само дел од предвидените измени на Законот за шумите, кој е подготвен од страна на Министерството за земјоделство. Со новиот закон ќе им се даде можност на физички лица и на фирми да се лиценцираат за маркирање и за сечење шума од приватни сопственици. Од  ЈП „Македонски шуми“  пак велат дека на ваков начин ќе се намали дрвокрадството од шумите што се државна сопственост.