Се очекува полн капацитет со експлоатација во март, 2017 година.

Со добивањето на дозволата за експлоатација на минерали и руди за Рудник „Тораница“, компанијата „Булмак 2016“ започна со ископ и преработка на олово-цинкова руда. 

„Согласно тековните работи и ископот, има проценка дека рудникот ќе работи со полн капацитет во март, 2017 година.“ – изјави Проф. дтн. Инж. Николај Влканов, Претседател на Борд на Директори на „Минстрој Холдинг“ А.Д. „Ова ќе значи дека нашата компанија ќе има потреба од ново вработени рудари и персонал, соодветно со зголњмувањето на капацитетот при експлоатацијата на рудникот. Дополнително, покрај редовно вработените, ангажираме и ќе ангажираме во иднина добавувачи за друга опрема и материјали - потребни за непречено функционирање на рудниците.“ 

Моментално компанијата „Булмак 2016“ врши ископ на руда во двата рудника – „Злетово“ и „Тораница“, како и преработка на истата во руден концентрат во двете флотациони фабрики. Во моментот редовно се вработени 510 лица – инжинерски кадар, технички персонал и рудари.