Познатиот гангстер Ал Капоне кој ќе остане како еден од најозлогласените во американската историја и натаму генерира огромен интерес кај јавноста. Затоа на аукцијата „Гангстери, адвокати и чувари на законот“ што се одржа викендов во Бостон се продадоа предмети на Ал Капоне за неверојатни суми, како што е неговиот џебен часовник и поема кој ја напишал додека бил во затвор.

Дијамантскиот џебен часовник произведен во Чикаго во 20-тите години на 20. Век што му припаѓал на Ал Капоне се продаде за 84.375 долари, а ракописот за музичката композиција што тој ја напишал во Алкатраз во 30-тите се продаде за 18.750 долари.

Купувачот остана анонимен, а од аукциската куќа „Bobby Livingston“ велат дека станува збор за колекционер на необични американски артефакти.