Барања за откуп на дворовните места граѓаните ќе може да ги поднесат за десетина дена во рамки на последното продолжување на рокот за дополнителни девет месеци, најави вицепремиерот и министер за финансии Зоран Ставрески . - За 10 дена од денеска, граѓаните ќе можат веќе да поднесуваат документи за откуп на  дворни места по  едно евро од квадрат. Следната недела во Собранието ќе треба да помине Законот и ќе може да се поднесуваат документи, изјави Ставрески . Тој вели дека процедурата е едноставна. - Граѓаните ќе треба  само копија од лична карта и имотен лист  да донесат во подрачните единици за имотно правни работи, вели  министерот за финансии. Дополнителниот рок е девет месеци и апелира до граѓаните да ги откупат своите дворни места за едно евро по метар квадратен, бидејќи, како што рече, им се овозможува да станат стопани на својот имот и  еднаш за секогаш на најдобар начин да ги решат имотните работи.