Министерството за здравство учествува во обезбедување здравствена заштита за жителите од радовишкото село Злеово, преку тимови од ЈЗУ Здравствен Дом-Скопј. Поради отсечена комуникација и неможност граѓаните да добијат здраствена заштита и соодветен терапевтски третман екипи на Итната медицинска помош, како што соопшти ЈЗУ Здравствен Дом-Скопје, 24 часа го обезбедуваат теренот во Злеово. Покрај здравствените прегледи, Здравствен дом-Скопје обезбеди и аналгетици, антипиретици и антибиотска терапија за месното население, а преку Биро за лекови обезведена е терапија за хронично болните. Според соопштението, тимовите ќе бидат во населеното место додека тоа е потребно. Над 1.500 жители од селото Злеово останаа целосно отсечени со уривање на мостот на Стара Река, предизвикано од силниот дожд што пред три дена го зафати Струмичко-радовишкиот регион.