Водечката компанија за здрава храна Виталиа од страна на реномираната швајцарска организација ICERTIAS е избрана за компанија кој нуди апсолутно најдобар квалитет на македонскиот пазар и е добитник на престижниот QUDAL – QUality meDAL 2014/2015. На првото истражување на QUDAL во Македонија кое имало за цел да го мери искуството, мислењето и перцепцијата на корисниците за компаниите кои го нудат највисокиот квалитет на пазарот, Виталиа освои најмногу гласови од учесниците во истражувањето. Во конкуренција со интернационални и локални брендови, Виталиа е избрана за Бр.1 ПО КВАЛИТЕТ во 4 категории, и тоа: мусли за појадок, житарки за појадок, сушено овошје и еколошка и органска храна.

„Горди сме на ова признание и нè радува фактот што македонските купувачи го препознаваат квалитетот на брендот Виталиа. Како лидери на пазарот со 20 годишно искуство и традиција за здрава храна и понатаму ќе продолжиме со следење на потребите на потрошувачите и грижа за нивното здравје преку производство на висококвалитетни и оригинални производи. Овие награди се признание за напорната работа која целокупниот тим на Виталиа ја вложува при создавањето здрави и иновативни продукти, и се огромен мотив да продолжиме понатака кон нови успеси”, изјави Искра Ветаџокоска – Муцинска, управител и ко-сопственик на Виталиа.

Фактот дека Виталиа е наградена во неколку категории, говори за квалитетното работење, велат од компанијата.