Колумбискиот нарко бос Пабло Ескобар како еден од најбогатите луѓе на планетата во 90-тите поседуваше голем број на имоти, хациенди и вили. Токму еден од неговите најлуксузни домови во Мексико сега е претворен во хотел со уметнички дела на колекционерот Лио Малка од Њујорк. 

Тој вилата сега ја издава на туристи, како и на парови кои сакаат да ја прослават нивната венчавка. За престојување во луксузниот хотел Малка може да платите од 500 долари за ноќевање па нагоре. 

Ескобар беше убиен од полицијата во 1993-та по долга војна во кој тој предизвика вистински терор убивајќи над 5000 луѓе од кои голем број на полицајци, војници, судии и политичари, а подметна бомба и во комерцијален лет преполн со патници.