Мауро Моранди во 1989 година се насукал на остров меѓу Сардинија и Корзика, и таму останал цели 28 години. 

Живее сам  и вели дека за овој период воопшто не бил болен откако е на островот. 

Кога стигнал на островот дознал дека чуварот од Националниот парк Мадалена ќе си замине и решил да го замени. 

Друштво му недостига, но ужива во природата, морето и чита книги. 

Тој медитира, прави дрвени скулптури кои ги продава на туристи и фотографира. 

Од парите собрани од продажба донира за хуманитарни цели. 

„Никогаш нема да си заминам. Се надевам дека овде ќе умрам, ќе ме кремираат и пепелта ќе ја пуштат по ветер“ - вели Моранди. 

На секои две недели пријател со брод му носи храна. 

Моранди не е ботаничар, ниту биолог, но вели дека настојува да им објасни на луѓето дека билките и природата треба да се чуваат.