Најголемиот брод кој досега се врза во елитниот дел на Порто Монтенегро во Тиват, 140 метри долгата супер јахта  „Ocean Victory“ , пристигна утринава во Которскиот залив.

Оваа импозантна јахта, која со својата големина повеќе одговара на некој помал крузер, се врза за новоизградениот дел на оперативниот брег на  Порто Монтенегро каде може да се соберат бродови долги до 150 метри.

„Ocean Victory“ е една од најголемите приватни јахти на светот, му припаѓа на рускиот металуршки олигарх Виктор Рашнјиков, сопственик на челичарниците „Magnitogorsk“.

Овој челично-алуминиумски брод, долг 140 метри и широк 18,6 метри, има 8000 тони зафатнина , а постигнува максимална брзина од преку 19  јазли.

Доаѓањето на оваа јахта во Тиват, менаџментот на  пристаништето „Порто Монтенегро“ ја гледа како уште еден доказ за неговиот статус како главна порта за мега и супер јахти во овој дел на светот.

„Ocean Victory“ во  „Порто Монтенегро“ ќе остане наредните две недели.