Јапонските навивачи го зачудуваат и воодушевуваат целиот свет со своето пристојно однесување на Светското фудбалско првенство во Бразил. По синоќешниот натпревар со Грција, верните поддржувачи на Сините самураи ги засукаа ракавите, зедоа вреќи за ѓубре и ја исчистија целата Арена дас Дунас. Бразилските домаќини не можеле да поверуваат кога ги виделе Јапонците како на неколку минути пред крајот на натпреварот започнуваат да го чистат стадионот. Сините вреќи кои во текот на натпреварот ги користеле како навивачки реквизити, ги претвориле во вреќи за ѓубре и ги собрале сите пластични шишиња, хартии, картонски кутии и останати фрлени предмети. „Го исчистија не само својот дел од трибините, туку и другите сектори. Ова е изненадување за нас Бразилците, но за Јапонците ова е само рутина“, пишуваат денеска бразилските медиуми. http://www.youtube.com/watch?v=yhsfvb-K97c