Се започнало во текот на едно излегување кога Сандерс дошол до банкоматот да подигне пари, но на сметката имал само три долари, па одлучил од кредитната картичка да префрли 200 долари. „Пишало дека трансакциската е поништена, но од банкоматот си отидов со 200 долари“; вели Сандерс. Имено, банкоматите во одреден дел од денот се исклучуваат поради редовно одржување. Во тој момент, граѓаните можат да подигнат пари, но без информации за состојбата на сметката, бидејќи тие трансакции не се регистрираат. Сандерс продолжил да подига пари, износите непрекинато растеле, а со парите дошле и проблемите. „Ја изгубив девојката и работата, но имав неограничен извор на пари. Одлучив да се наживеам“, наведува Австријалиојанецот кој веднаш знаел дека ваквиот начин на живот ќе биде краткотраен. Почнал да живее како милионер, а во неговите кругови се претставувал како професионален покер играч, хирург и банкар. Во јуни го пријавил пропустот во банката, а тие му кажале дека полициската истрага е во тек. Сандерс престанал да подига пари и јавно проговорил за својата измама. Полицијата издала налог за негово апсење а тој одеднаш мистериозно исчезнал.