Мексиканскиот град Хуарез кој три години по ред ја носи титулата е најопасно место во светот, поради тоа што е полн со опасни картели каде одвиваат разни зделки за продажба на дрога, оружје, но и ладнокрвно се убиваат сите оние кои се мешаат во работата на криминалците.

Денеска ова е најопасната долина од сите места во Северна Америка.

„Навикнете се на мртви тела на улиците. Ако не сте дома, а слушнете истрели, многу лесно може да бидете убиени“ - вели Алехандро Монтес, вработен на една бензинска станица.

Последните полицајци се убиени во 2009 година, а градот по тој настан не доби нови полицајци, пишува Daily mail.

„Нарко босовите го заменија авторитетот на полицијата, и ако сакате да преживеете, мора да живеете по нивните правила“ - додава Алехандро.

Во долината некогаш живееле 60.000 луѓе, денеска таму има само околу 5.000 жители. Останатите или се убиени или го напуштиле градот засекогаш.

Се верува дека градот е под контрола на озогласениот картел Синалоа, а надзорот над улиците го преземаа војниците на оваа криминална група. Тоа значи дека мажењата, киднапирањата и обезглавувањата сега се почеста појава, а жителите живеат во постојан страв.