Комплексот на американскиот претседател, Доналд Трамп на островот Свети Мартин кој вреди 17 милиони долари, оштетен е по ураганот Ирма. 

Невремето го погоди островот со силни дождови и ветар со брзина до 362 километри на час.

Палмите се уништени, а  базените се полни со матна вода. 

Комплексот "Castle of Palms" според многумина е една од надобрите палати на светот, аТрамп со месеци се обидува да го продаде. Најпрвин бараше 28 милиони долари, а во јуни ја спушти цената на 16,9 милиони долари. Сега, се чини дека ќе треба уште „малку“ да ја спушти цената.

Овој објект Трамп го купил во 2013-та година и се претпоставува дека за него платил 20 милиони долари. Пред ураганот, една ноќ во овој комплекс чинела 6.000 долари, а цените за време на Божиќните празници се искачувале и до 20.000 долари за една ноќ.