Најголемиот аквариум  во Јужна Америка е отворен во бразилскиот град Рио де Жанеиро. 

Зградата на музејот со жива морска фауна,  е наречен Акварио  и е на три ката со 28 базени. Тој е сместен во близина на пристаништето. Според зборовите на директорот, Марсел Шпилман, димензиите  се определуваат во зависност од обемот. Во овој случај станува збор за 4.5 милиони литри и така тој е најголем во Јужна Америка. Во латиноамериканскиот регион рекордот му припаѓа на Мексико. На територијата на земјата има аквариум со  5 милиони литри. Околу 90% од живите организми во овој музеј на океанската фауна, се од водите во  Бразил. Посетителите можат да видат и риби кои служат како храна за локалните жители, како и повеќе егзотични животни кои доаѓаат од пацифичкиот и карипскиот регион.