Во  продавници за сувенири во Москва веќе се нудат матрјошки со ликот на новоизбраниот претседател на САД Доналд Трамп, пренесе РИА Новости.

Случајно или не продавницата, која прва  пушти матрјошки Трамп, е блиску до руското Министерство за надворешни работи. Целиот комплет вклучува 5 кукли претседатели, меѓу кои се двајцата шефови на држави од фамилијата Буш (татко и син). 

Со Трамп е нацртан и слон - симбол на Републиканската партија.

Достапен е и комплет со Хилари Клинтон, на која фигурира и магаре - симбол на американските демократи.

Бидејќи за уметниците Трамп е ново лице, тие не  ризикувале да го цртаат, туку користеле слика, на која политичарот е доста млад.