Под мотото „Од заедницата за заедницата“, македонскиот агрегатор на блогови Blogirame.mk по втор пат ги организира блогираме и твитер наградите со цел да ја поттикне интернет заедницата поактивно да пишува и да ги искажува своите ставови. Кои беа најзабавните твитови во текот на годината? Кој е највлијателниот твитерџија, а чиј блог најмногу се чита? Има ли најсекси твитерџика? Твитер заедницата во Македонија гласаше, а имињата на добитниците за 2013 година ќе бидат објавени вечерва во МКЦ. „Наградите се симболични, но настанот е одлична можност виртуелните ликови од Интернет да се соберат на едно место и да се дружат во живо“ - соопштуват од Blogirame.mk.