УНИБанка заклучно со третиот квартал од 2012 година оствари позитивни резултати, соопштуваат од банката. Вкупните нето приходи од банкарски операции пораснале од 3,82%  во однос на истиот период лани, додека нето каматните приходи во однос на Септември 2011 година се зголемени  од 302,5 милиони денари на 320,3  милиони денари или за 5,88%. Нето некаматоносните приходи достигнале ниво од 142,8 милиони денари, исто како во септември 2011-та. Расходите за дејноста  се зголемени за 6,51% во однос на истиот период минатата година, а нето активата на 30-ти септември годинава,  достигна ниво од 11.160,4 милиони денари. Депозитите од население во периодот септември 2011 – септември 2012 се зголемени за 16,46%, а бројот на клиенти за 3,17%. Добивката на Банката заклучно со Септември 2012 година изнесува  51,6 милиони денари или 2,35% повеќе од истиот период минатата година. Како што соопштуваат од УНИБанка и во текот на оваа година задржано е лидерското водство во картичното работење со пазарно учество над 10%.