Три јавни претпријатија ќе се грижат за новите садници до автопат
Денеска се садеа декоративни садници покрај автопатот „Александар Македонски“. Во рамки на акцијата предвидено е да бидат засадени 5.000 декоративни садници покрај автопатот Катланово-Хиподром, на клучката пред и после патарината кај Петровец.
Засадувањето почна од патарината кај село Петровец и е дел од пролетната акција „Ден на дрвото“, а планирано е да се садат аризонски чемпрес, јасен, каталпа, келерутерија, јавор и туја.Според надлежните на овој начин зелениот појас ќе ја собира прашината и јаглеродниот диоксид, ублажувајќи ги негативните влијанија од издувните гасови.
За садниците ќе се грижат вработените во „Македонски шуми“ кои имаат ангажирано свое возило - цистерна за полевање на растенијата, додека „Државни патишта“ и „Македонија пат“ треба да се грижат за чување на садниците од физички оштетувања и корнење, како и за плевење и чистење на површината.
Слично
Поврзани вести
