Технички преглед за трактори и комбајни ќе се врши на секои две години, а за мултикултиватори и приколки на секои четири години, додека регистрацијата на земјоделската опрема и механизација ќе се прави на секои шест години. Ова е согласно законските измени што минатата недела беа усвоени од Собранието на Република Македонија. Земјоделците претходно имаа обврска земјоделската механизација да ја регистрираат секоја година, што беше и финансиски терет. Рокот за легализација на земјоделската опрема и механизација е продолжен за една година. Сите кои поседуваат ваква механизација, можат своите трактори, комбајни, култиваторите, приколките да ги легализираат во дадениот рок.