Средствата собрани од 11. Аматерски хуманитарен велеслалом, Маврово 2013 ќе бидат донирани за СОС Детското село и ќе се наменат за приоритетни потреби за децата и СОС семејствата.

Во СОС Детско Село Македонија има 12 СОС семејства кои во моментот живеат 70 деца до 15 годишна возраст, а 14 младинци живеат во Младинска куќа во населбата Радишани.

- Годинава учествуваа над 180 скијачи-аматери кои за учеството уплаќаа котизација. Парите околу десет илјади евра како донација од оваа хуманитарна активност се определивме да бидат наменети за поддршка на децата без родители и родителска грижа од „СОС Детско Село Македонија“, потенцираа на затворањето организаторите, Скијачкиот Центар од Маврово.

Во женска конкуренција на манифестацијата најдобра беше Мери Вајс од тимот на Т-Мобиле, а кај мажите Иван Танев од екипата на ОНЕ. Кај ветераните најдобар беше Војо Атанасовски од Виста. За најуспешна екипа беше прогласена Сноу Спорт Академија.