ЕВН Македонија денеска ја пушти во употреба новата трафостаница во липсковското село Слупчане. Таа има јачина од 400 kVa (киловатампери) и треба да овозможи посигурно снабдување со електрична енергија на жителите и индустрискиот комплекс во месноста Слупчански Бунари во селото, но и да го растовари снабдувањето со електрична енергија на корисниците од селото Опае и другите населени места во Липковскиот регион. За изградба на новата трафостаница во селото и среднонапонската мрежа во должина од 1500 метри се инвестирани 4 милиони денари. Од ЕВН Македонија најавуваат дека и во 2013-та ќе продолжат со инвестирање во дистрибутивната мрежа во Кумановскиот и Липковскиот регион со цел подобрување на напонските прилики и сигурноста во снабдувањето со електрична енергија.