Атракции со екстремно скокање од 15 метарска рампа, спектакуларно шоу исполнето со возбуда, натпреварувачи и одлична забава за сите генерации – ова е само дел од програмата која следниот викенд ќе го окупура Скопје.

Настанот најблизу досега се одржал во Виена, а овој пат за прв пат на Балканот ќе се оддржи во Скопје. Macedonia X-Treme 2015: Balkan Bike Festival ќе се одржи од 18 до 20 Септември  во Скопје Сити Мол, се работи за ексклузивен FMB Silverнастан во склоп на кој Скопје ќе биде дел од манифестација од светски размери.

Ова адреналинско шоуќе ги собере најдобрите светски екстремни велосипедисти и љубители на спортот на едно место, каде ќе се натпреваруваат во BMX техники и вештини на возење, а сите присутни ќе бидат сведоци и на досега невиден спектакл со акробации од најголемите скокалници до сега.

Во склоп на настанот Скопје Сити Мол ќе организира детска вело школа за која заинтересираните за учество ќе можат да ги совладаат основите техники на возење велосипед, а и да искусат нови работи. Учесниците ќе бидат групирани според возраст,секој учесник кој ќе учествува ќе треба да има свој велосипед, но во случај некој од учесниците да нема велосипед, организаторот ќе обезбеди велосипед доколку има слободен во моментот.

Следниот викенд, сите патишта ќе водат кон Скопје Сити Мол, бидејќи Балкан Бајк Фестивал е настан кој не смее да се пропушти и каде шансата за забава ќе биде можна за секого!

Организатори и поддржувачи на овој FMB Silver настан за оваа година се и Планинарскиот Клуб за Велосипедисти Oxygen и Sport Vision Македонија .

Повеќе информации за настанот кој започнува за само 7 дена на 18ти септември, можете да пронајдете на http://balkanbikefestival.com/ и на http://skopjecitymall.mk/bike/ , а на https://www.youtube.com/watch?v=_uyDpQiWxUQ можете да ја погледнете атмосферата од минатата година во Виена, Австрија и повеќе за првиот македонски бајк фестивал на https://www.youtube.com/watch?v=MzMfC7cCBOI