Сите 80 жители на малото шпанско село Цералес дел Кондадо неодамна станале милионери и тоа благодарение на само еден човек.

Антонио Фернандез, милијардер и филантроп починал во август во стотата година од животот, а во својот ексцентричен тестамент 200 милиони евра им оставил на жителите на селото во кое растел и живеел. На секој жител така му припаднале нешто повеќе од 2,3 милиони евра, а останало и за други трошоци како нов културен центар.

Роден е во 1917 година, а веќе на 14 години морал да го напушти школувањето. Имено, бил едно од 13 деца во семејството и неговите ридители не можеле да му дозволат школување. Нешто подоцна се оженил со Циниа Гонзалез Диез и на 32 години емигрирал во Мексико каде се вработил во компанијата на нејзиниот вујко која произведува пиво.

До 1971 година напредувал до позицијата генерален директор и помогнал пивото кое го произведува оваа фабрика стане најпопуларно мексиканско пиво и голем извозен феномен.

Фернандез никогаш не го заборавил својот роден град, а поранешниот шпански крал го одликувал за неговата хуманитарна работа. Но дури после неговата смрт, жителите на селото во кое растел сфатиле колку го сакал своето родно место.