Вип воведува нови поволности за корисниците кои во периодот до 31 декември оваа година ќе склучат постпејд договор на кој било Vip Free+ тарифен модел. Taка постпејд корисниците кои во овој период ќе склучат договор на кој било Vip Free+ тарифен модел добиваат еден месец без претплата, и истовремено можат да учествуваат во четирите  извлекувања во кои може да добијат и до 24 дополнителни месеци без претплата.

„Постпејд понудата на Вип, со Vip Free+ тарифите, покажа дека ги задоволува потребите на корисниците за слободна комуникација. Сега, па до крајот на годината, корисниците кои ќе одберат од овие тарифи имаат можност да добијат нешто повеќе - бесплатни претплати и тоа задолжително една, а најсреќните корисници и 24 дополнителни бесплатни месечни претплати. Веруваме дека, со овие вредни дополнителни подароци на веќе атрактивните Vip Free+ тарифи, ќе им ги разубавиме празниците на нашите корисници”, изјави Флориан Шварц, раководител на продукт маркетинг во Вип.

Понудата е валидна за нови Вип Постпејд корисници и за корисници кои ќе го обноват постоечкиот Вип Постпејд договор со минимално времетраење на договорната обврска од 3 месеци на еден од Vip Free+ тарифните модели активирани без дополнителни промоции. Правилата за учество во оваа промоција и имињата на добитниците ќе бидат објавeни на веб страницата на Вип.