Поттикнати од, како што оценуваат, крајно негативните трендови за влошување на условите за работа на сите работници во сите сектори, како и од отворените анти - синдикални активности  што земаат замав,четири синдикати: на новинари и медиумски работници, на работниците од управата, правосудните органи и здруженијата на граѓани, синдикатот на македонската дипломатска служба и самостојниот синдикат на клиничките центри се согласија на заедничка повелба за солидарност. Со повелбата е договорена заедничката борба против влошувањето на условите за работа, а се потпишува во пресрет на утрешниот празник на трудот - 1 мај.