Силк Роуд банка донираше современ аудиометар за ЈЗУ Општа болница Кочани, со цел унапредување на дијагностиката и грижата за пациентите. Ова е втора донација на Банката за болницата, како дел од нејзината континуирана поддршка за здравствениот систем и локалната заедница.

Со новата медицинска опрема ќе се овозможи побрза и попрецизна дијагностика на слухот, како и подобри услови за работа на медицинскиот персонал кој секојдневно се грижи за пациентите.

„Веруваме дека вложувањето во здравството е вложување во луѓето, надежта и иднината на целата заедница“, велат од Банката, додавајќи дека општествената одговорност за нив претставува искрена заложба за создавање позитивни промени и поддршка таму каде што е најпотребна.