Со цел зајакнување на конкурентноста на компаниите во Република Макединија, Силк Роуд Банка АД Скопје потпиша договор за соработка со Европскиот Инвестиционен Фонд (ЕИФ) и учество во InnovFinгарантната шема, кој нуди ексклузивна можност за полесен пристап до финансиите за малите и средни претпријатија (компании регистрирани во Македонија со број на вработени помал од 250 и годишен обрт помал од ЕУР 50 милиони или годишна состојба на активата помала од ЕУР 43 милиони) преку InnovFin гарантната шема.

Финансирањето е поддржано од страна на InnovFin МСП гарантната шема, со финансиска поддршка на Европска Унија под покровителство на финансиските инструменти од “Horizon 2020” и Европскиот Фонд за Стратешки Инвестиции, во рамки на Инвестицискиот План за Европа.

InnovFin програмата е наменета за иновативни, мали и средни претпријатија во сите eкономски индустрии и правни форми кои ги задоволуваат условите. Програмата е насочена кон олеснување на пристапот на мали и средни претпријатија до финансии за иновативни проекти. Наменета е за развојни ориентирани компании и иновативни проекти, компании кои вложуваат во современи технологии, енергетска ефикасност и го унапредуваат своето работење. Под иновација се подразбира инвестиција која е нова за компанијата и која придонесува за модернизација на процесите, економичност и ефикасност.

Преку InnovFin програмата, Силк Роуд Банка АД Скопје овозможува континуирана поддршка на развојно ориентирани клиенти и овозможува подобрување на нивната конкурентност.

Аплицирајте во експозитурите на Банката во максимален износ на кредитот до 1.500.000,00 евра.