Интензивното користење социјални мрежи негативно влијае на самодовербата и го зголемува стравот од други луѓе, открива неодамнешно италијанско истражување.

Истражувачите наведуваат дека претераната употреба на социјалните мрежи има тенденција кај корисниците да развие недоверба и општо незадоволство.

Во истражувањето учествувале 50.000 италијанци кои одговарале на прашања дали се задоволни со нивниот живот, колку често се гледаат со пријателите и колку им веруваат на другите, а потоа добиените резултати се споредени со степенот на користење на социјалните мрежи, како Фејсбук и Твитер.

Истражувањето јасно укажало на негативното влијание на социјалните мрежи врз расположението на корисниците. Исто така е докажано дека физичкиот контакт со другите луѓе придонесува до поголемо лично задоволство, додека виртуелниот контакт придонесува до повеќе сомнежи и несогласувања меѓу луѓето.