Интернет Јутјуб би можел наскоро да почне да наплатува за гледање на своите содржини во замена за оттргнување на реклама, изјави неговата директорка Сузан Војчицки.

Посетителите на сајтот во иднина би можеле да бираат помежу реклама или можност да платат гледање на содржината, изјавила Сузан на конференцијата во САД.

Јутјуб сега се финансира со наплата на кратки реклами кои посетителите на сајтот мораат да ги погледнат пред да ги видат снимките кои сакаат. „Размислуваме за тоа дали на корисниците да им препуштиме избор“, рекла директорката на Јутјуб. Таа тврди дека има корисници кои се подготвени да платат за да не ја гледаат рекламата. Сопственикот на овој сервис, Гугл е еден од најважните понудувачи на огласи на интернет и од минатата година постои можност корисниците да можат да платат одредени содржини.