Се бараат берачи на малини во Србија, месец дена пред да почне бербата.

Во јавните гласила деновиве излезе оглас на кој се бараат берачи на малини. Производителите нудат сместување кај нив и три оброка дневно.

Во производство, преработка и пласман на малини работат од 30.000 до 35.000 луѓе со полно работно време, а сезонски се ангажираат 150.000 луѓе.

Поради неплански и стихиен раст на малините во последниве години, ќе недостига работна сила за берење на плодовите.

Дневниците за берачите се движат од 2.000 до 2.500 динари, а одредени газди плаќаат по 35 динари за набран килограм или 30% од вкупните набрани количини, но без оброци.

Лани Србија произвела 80.000 тони малини, со што изби на првото место во светот.