Samsung се мисли да ја прошири серијата Galaxy A со многу нови уреди и еден од нив може да се вика Galaxy A8.

Тоа го сугерираат информациите од извори на сајтот SamMobile кои откриваат повеќе детали за карактеристиките на уредот што ќе се продава во Азија и Европа.

Една од најинтересните од нив може да биде додаден сензор за отпечатоци како оној со кој располага и Galaxy S6.

Не е исклучено уредот да поддржува персонализација на интерфејсот.

Очекувањата се меѓу другите технички карактеристики на моделот да се 5.7 "Full HD Super AMOLED дисплеј, куќиште со дебелина 5,9 mm и метална рамка, осумјадрен 64-битен чипсет Snapdragon 615, 2GB RAM, 16МР главна камера, 5МР предна камера, 16GB внатрешна меморија, LTE можности за поврзување, батерија со капацитет 3050 mAh и Android 5.0 Lollipop.