Група руски хакери украла, како што се проценува 1,2 милијарди Интернет лозинки, од кои некои им припаѓаат на значајни американски компании, но и други фирми од светот, пишува „Њу Јорк тајмс“.

Доверливи имиња на корисници и лозинки според податоците на компанијата „Холд секјурити“ се украдени од околу 420.000 веб сајтови, со што на групата и станале достапни 500 милиони имеил профили, пренесува АФП.

Алекс Холден, основачот на „Холд секјурити“ нагласува како повеќето сајтови „се `уште се ранливи“.

Групата хакери како што се наведува е составена од помалку од 10 лица на околу 20 години. Нивната работа е концентрирана на југот на Централна Русија, а се верува дека и нивните компјутерски сервери се во Русија.