Рокот за поднесување барања за субвенции за предадено млеко од октомври до декември лани завршува на 15 мај, соопшти денеска Агенцијата за финансиска поддршка во земјоделството и руралниот развој.

Се исплаќаат 3,5 денари за литар, а барањата се поднесуваат електронски, во подрачните единици на Министерството за земјоделство.

На 15 мај истекува и рокот за поднесување барања за директни плаќања за несилки внесени во капацитет за производство на јајца во период од октомври до декември 2015 година. Висината на помошта е 100 денари за купена и внесена несилка во одгледувалиште на кокошки несилки за производство на јајца. Барањата се поднесуваат до Агенцијата за финансиска поддршка во земјоделството и руралниот развој, лично или пошта.