Комисијата за категоризација на угостителски објекти при Министерство за економија на ресторанот на винаријата „Стоби“ во Градско му додели четири ѕвезди – највисоката категоризација што им се дава на угостителските објекти. Како што информираат од винаријата, обученоста и подготвеноста на персоналот на „Стоби“ да одговори на сите прашања на гостите во врска со вината, храната и начинот на подготвување, е истакната како еден од најважните елементи при доделувањето на највисоката категорија. Највисока оценкa доби и барот. Утврдено е дека во кујната се работи со модерни апарати и професионална опрема и што е исто така важно дека персоналот ги почитува највисоките стандарди за чување на храната и инвентарот. „Одлична оценка доби и инвентарот во ресторанот, како и приборот за јадење од најпознатите светски производители на порцелански садови (Баушер) или пак на пример сребрениот прибор за јадење полиран со специфичен нерѓосувачки челик, што истовремено дава исклучителнaта тврдост и висок сјај“ се вели во соопштението од „Стоби“