Компанијата Макпрогрес од Виница оствари позитивни економски резултати. Вкупните приходи достигнаа 17,6 милиони евра што е раст од 11,33 отсто во споредба со 2011 година,соопштува компанијата. Околу 6.000 тони кондиторски производи од брендот „винчини“  се извезени во 2012-та во вредност од над 12 милиони долари на рекордни 40 различни пазари на 5 континенти ширум светот. -Позитивните резултати најмногу се должат на големите напори на менаџерскиот тим и на раководните лица, производство и развој на нови производи и на континуираното подобрувањето на квалитетот и процесите во целокупното работење. На пазарот беа лансирани нови производи од брендовите „сончева долина“ производи од соја и црвена леќа како и од брендот „винчини“ нови чајни колачиња, штрудли, нови вкусови на перфето десерт и редизајнирани медењаци“, стои во сооштението на компанијата.