Управниот одбор на Федерацијата на фармери на Република Македонија го разрешил од функцијата досегашниот претседател на Федерацијата Андрија Секуловски. Одлуката била донесена уште на средината на февруари, со мнозинство гласови, откако биле констатирани неправилности во работата на Секуловски. Нема повеќе детали за какви неправилности се работи. Како што беше соопштено денеска, Управниот одбор на ФФРМ го назначил досегашниот заменик претседател Мемет Синани за претседател на Федерацијата. Оваа функција Синани ќе ја извршува до крајот на март кога треба да се одржи Редовното Изборно собрание на Федерацијата на фармерите на РМ.