Претседателот на Русија Владимир Путин јавно ја критикувал својата влада што дозволила да бизнис спор да го загрози одвивањето на железничкиот сообраќај во руска провинција.

Путин наложил сообраќајот повторно да биде воспоставен.

Патничките возови, се клучна сообраќајна врска помеѓу малите градови и села, бројно се намалени во низа региони во изминатите неколку недели, додека во еден регион од нив целосно се откажале.

Локалната власт не успеала да пронајде заеднички јазик со железничката околу тоа кој треба да ги покрие растечките трошоци на економкски неисплатливите возови.

Решен да ги спречи протестите, Путин денеска остро ја нападнал владата бидејќи дозволила ова да се случи, пренесува АП.

„Дали сте нормални или полудевте? Ова е несериозно. Ова влијае на илјадници луѓе“, рекол Путин на телевизија.

Возовите се суспендирани и на новите рути во Сочи, изграден за Зимските олимписки игри 2014.