Една нова студија покажа дека  зачестеноста на сексот може да влијае на количината на пари кои ги заработувате. Оние кои се поактивни под прекривката имаат повеќе пари на сметка, додека другите помалку активните имаа потенок паричник. Во ова истражување биле вклучени 7.500 луѓе на возраст од 25 до 50 години. Резултатите се дека оние кои имаат секс четири пати неделно, заработуваат најмногу. Ова може да значи дека луѓето кои работат на добро платени места имат појако либидо или пак , оние кои ги сакаат парите, го сакаат и сексот - пишува Гласот на Славонија. Иако авторот на ова истражување не е сигурен како сексот е поврзан со заработувањето, тој претпоставува дека луѓето кои заработуваат повеќе пари,  можат де си дозволат повеќе излегувања.  Исто така авторот претпоставува дека истите можат да бидат и попривлечни. Се верува дека оние кои имаат повеќе секс се посреќни, поздрави и помалку склони кон емоционални проблеми кои можат да влијаат на успехот на бизнисот. Меѓу испитаниците ,кои имаат повеќе секс, повеќе излегувања, мал е бројот со хронични болести како срцеви заболувања, артритис или дијабетес.