„Да ми помогнеме на Најден“е фејсбук страницата каде може да се најдат  подетални информации за бебето Најден, кое во понеделникот беше најдено во грмушки во двор на скопското село Арачиново. -За сите што сакаат да помогнат, наместо во болница, ве молиме работите што сакате да ги донирате да ги донесете во недела 14 април од 10-12 часот во Градски парк кај Школка, ќе има возило што ќе ги пренесе во болница“, пишува таму. На страницата во секој момент ќе има информации кога и каква помош му треба на Најден. Инаку, за еден ден на Клиниката за детски болести, каде на лекување се наоѓа бебето кое беше најдено со пресечен јазик и со модрици од давење, за Најден се собрани пелени, хигиенски прибор, влажни марамчиња, облека и играчки.