Во текот на првото полугодие од 2013 година ТТК Банка АД Скопје делуваше во насока на остварување на своите приоритетни цели и задачи и заклучно со 30.06.2013 година оствари позитивен финансиски резултат кој изнесува 34.534 илјади денари. Резултатот е речиси двојно повисок во однос на остварениот финансиски резултат во истиот период минатата година. Остварената добивка пред исправка на вредност, која е показател за оперативната способност на Банката да ги покрива расходите од работењето, е за 30,9% повисока во однос на истиот период минатата година. Остварените нето приходи од камати бележат зголемување од 21,5% во однос на истиот период минатата година, како резултат пред се, на намалувањето на каматните расходи, но и од зголемените каматните приходи. Нето приходите од провизии и надоместоци, во првото полугодие од 2013 година, во однос на истиот период минатата година бележат зголемување од 2,6%.