Материјална штета која првично се проценува на околу 200.000 евра предизвика пожарот кој синоќа по 2 часот избувна во хотелот „Бренд“ во Охрид. Хотелот е лоциран на охридското крајбрежје, околу 10 километри оддалечен од Охрид, а по интервенцијата на охридската противпожарна служба огнот е локализиран  околу 4 часот по полнок. Како што јавија локалните портали пламенот го зафатиле приземниот дел на хотелот, изгорела рецепцијата,шанкот и канцелариите. Повредени нема, а неколкумината гости кои престојувале во хотелот навреме биле евакуирани. Хотелот бил осигуран, а осега се проценува штетата. Се уште не се познати ни причините за пожарот , дали станува збор за човечки фактор или неисправна електрична инсталација.