На 12.07.2013 година, неделникот „Фокус“ ќе продолжи да излегува од печат по тримесечна пауза. Во „Фокус“ продолжува да работи добро познатата новинарска екипа, предводена од главниот и одговорен уредник Јадранка Костова. Како што соопштува редакцијата, ќе  биде задржана истата уредувачка политика по која Фокус е препознатлив. „Ќе се обидеме да ја продолжиме мисијата на Никола Младенов, „на креирање општество на слободни луѓе, а не збирштина од безрбетници“, се вели во соопштението од редакцијата. “Читајте „Фокус“, за нештата да станат појасни“, стои во соопштението испратено од екипата што повторно ќе го крене препознатливиот неделник.